Untitled Document

Dialect sjrieve ,

A. Medeklinkers

In het algemein zeen de spellingteikens väör medeklinkers dezelfdje as die in 't Nederlands
Teikens die anges zeen:

1.-gk- Zoeas in:			-nj- Zoeas in
	ligke	brögke		manj	lenjer
	zegke	bagke		henj	wònj
	hegke	mögke		kinjer	hinjer
2. -sj- Zoeas in:			-lj Zoeas in:
	sjoean	besjute		melje	veljer
	sjoon	besjete		Helje
	sjoeal	aafsjäöre		weelje
3. zj- Zoeas in:
	zjwaegelke	zjenie
	zjwaor	Zjame
	zjwaars
Wae zètte ein dj woea 't Nederlands ein d mòt höbbe. In anger gevalle spelle wae tj
Zoeas in:	windj	lintj	Hae/zu	wètj
	handj	lòntj		itj
	hondj	kantj		haoltj
	kindj	stròntj		vreugtj
	brandj

B. Klinkers
Alle teikens väör klanke waere oet het nederlands äövergenaome, same mèt de wiejer typische behanjeling van 't Nederlands. Bieväörbeeldj : ein a,o,u,e op 't intj van 'n lettergreep. Wiejer zeen d'r ein deil klanke die in 't Nederlands neet väörkome en die dus 'n noew teiken mòtte kriege.

1. -è- klinktj örges tösse de Nederlandse -e- van wet en de -i- van wit
Zoeas in:	hèk	sjèlle	bèd	Wèssem
	vès	trèkke	vèt	mèllek
2. -ò- klinktj örges tösse de Nederlandse -o- van mos en -oe- van moes
Zoeas in:	lòmp	sjòmmele	ròndj	wònjer
	mòndj	mòtte	kòntj	gezòndj

3. -ö- oet het Duits zoeas Köln
Zoeas in:	sjtök	löste	sjöp	höbbe
	dök	gelök	mös	höffe

4. -ae- oet het Frans van ordinair
Zoeas in:	waeg	maedje	Naer	waer
	laeg	flaetje	vaer	laepel

5. -ao- lèt op de volgorde a väörop
Zoeas in:	aovendj	paol	aod	haor
	straot	kaplaon	braoje	Baoksem

6. -äö-
Zoeas in:	väör	bäöke	äöver	däör
	päölke	väöl	Häör	wäörd

7. -ië-
Zoeas in	twië	geviërlik	snië	miër
	miërt	Wiërt	kiës	riër

8. -oea-
Zoeas in:	zoea	koear	sjoean	pestoear
	roead	poeas	sjoeal	boean

9. -ue-
Zoeas in:	puet	stuere	vlue	rueske
	dueske	sjuelke	huere	uerke

Apaarte probleme -ou- of -au- doon wae spelle zoeas in het Nederlands. Is dao gein väörbeeldj, den haet ou de väöorkäör
	ouch	rouk	loupe	douf

-ei- of- ij-, 't Nederlands geuftj het väörbeeldj, is det d'r neet den -ei- gebroeke
	geist	meist	meister	gein
	meis	leid	(hae) steit	(hae)geit

Hie nog eine link nao de regels van het Veldeke