Mark I:

Bedanktj, bedanktj, bedanktj

 

Vastelaovendj 2009 is weer väörbie. As Prins höb ich ’n geweljig sjoean periode gehadj. Hoeagtepuntj kèn ich neet neume. ’T Waas ’n aaneinsjakeling van hoeagtepuntje. Släöteläöverdracht, sjoealevastelaovendj, ’n Prachtige recepsie, geweljig Joekse Jatse Konkoer, optocht die neet te besjrieve is, matinee mèt ’t aafsjied van de Hoebe Dré Band, ‘nne supersjoeane dinsdig mèt ‘nne drökke en werme waever as aafsloeting. Van te väöre haaj ich gein idee wie sjoean det ’t is as Prins te zeen. Däörom is ’n welgemeindj BEDANKTJ op zien plaats väör mien vrouw, adjudante, raod van Ellef, bestuur, maedjes van de raod en bestuur, Prinsehoes kestiël Sjrake, VC Onnuezel, prinselikke drumband St. Piëtrus en natuurlik alle Sjansemaekers en Sjansemaerinnekes. Mèt zien alle höbbe wae laote zeen woea òs leef klein aardig dörpke groeat in kan zeen. Herstikke bedanktj.

Prins Mark I