Mark I 56ste Prins van de Sjansemaekers ,
Het is zoeawiet, de 56ste Prins is bekèndj,
Op 16 november is in La Rochelle Mark I oetgeroope en geïnstalleerdj as 56e Prins van de Sjansemaekers.
Het programma zaat weer good vol op de 16e. Iërst mòs nateurlijk Jac I zien lètste polonaises make en waerdje hae vervolgens òntdaon van zien versiersele. Vervolgens waerdje hae mèt 't nuedige ceremonieel opgenaome in 't Broedersjap van de aod Prinse. Toen waas 't zoeawiet. Sinterklaos waas 'smörges nog in La Rochelle gewaes, en haaj nog zien book en ein pèkske laote ligke. 'T kòs neet misse, en oeteindelijk kwaam de noewe oet 't kadootje teväörsjien. Mark Coumans kòs vervolges geinstalleerdj waere. Mark I haet drie adjudanten, Geert Coumans, Erik Mennen en Hans Scheres.
'nne Kläös as Prins det doortj mer aeve, Sjansemaeker dien ganse laeve.
Vanoet deze kantj Mark en femilie, van herte proficiat