Toes

Leef Sjansemaekers en Sjansemaekerinnekes,

Waat ze hie zuus det zuus ze nörges en ich waer d’r nog steeds knettergek van. Wat höb ich mèt Marianne,Susan en Danielle genaote van de Roggelse miense en häöre sjoeane kal. Ouch van al die anger biezunjer momente, die zeker nog waal ins truuk kome nao dees vastelaovesdaag, zulle wae blieve genete. Ich wil ederein bedanke dae hie zien steinke op wat väör meneer den ouch aan haet biegedrage. Speciaal dank geit oet nao mien vrouw Marianne, mien dochters Suus en Daan die mich in deze vastelaovestied gesteundj höbbe. Ouch eine dieke merci nao mien adjudante Thei,Roy en Wim. Super jonges. Natuurlik höbbe wae ouch genaote van oos prinsehoes, Ton en Gemma bedanktj hieväör. De raod van Ellef en bestuur mèt de partners,  prinsekeescommissie, fotograve, activiteitecommissie’s en al die artieste die mèt hobbe gedaon aan al die sjoean aovendje herstikke bedankt. Pestoear Schwillens bedanktj väör de sjoean mès. En natuurlik moog ich oos mam en de femilie hie in zeker neet vergaete en det zal ich ouch noeats doon.

Waat noe blieftj zeen de herinneringe op foto en film. As ich zeen det wae ouch allemaol akoestisch get kinne beteikene as d’r ins ’n muziekinstallatie sneuveltj den moog ich waal zègke, miense gae höbtj allemaol vastelaovesblood in uch. Allemaol herstikke bedanktj väör dit geweldjig vastelaovesseizoen: neet inne kas of op ’t veldj mer dit jaor hiël gaer väörop in ’t vastelaovesgeweldj. 

Prins Fred I

Prins Fred I bie de waever